لما جيت أعمل المدونة احترت يكون عنوانها ايه
لانى عاوزه اتكلم فى حاجات كتير وفى موضوعات مختلفه من الشرق والغرب والشمال والجنوب
وكمان انا مش بحب احط نفسى تحت حاجه واحده ومحدده عشان مقيدش نفسى
وكمان احنا مش ناقصين قيود
فقررت انى اسمها فى الدنيا
وده لان الدنيا مليانه حاجات ما يعلم بيها الا ربنا
وكمان فى حاجات ممكن متخطرش على بالنا
نتفاجا انها موجوده فى دنيتها
يعنى ممكن حد يتخيل - وبمناسبة عيد الام - ان فى أبناء بيضربو ويهينو أباءهم وأمهاتهم
لكن ده بيحصل فعلا وبكثره كمان
وقيس على كده حاجات وأفعال منتخليش انها بتحصل أو ان فى ناس بتمارسها لكن الواقع انها بتحصل وأحيانا بتكون هى القاعده
وعشان كده انا سميتها فى الدنيا اللى مش عارفين اخرتنا معاها
يارب خير ان شاء الله